အရည်းကြီး ကြောင်းသိကောင်းစရာ

အရည်းကြီးတို့ရဲ့ ကျင့်စဉ်တွေဖြစ်သော...     * ရေငုတ်     * မီးလှုံ     * တုံးခုံ     * ဇယ်ခုတ်  ခြင်းတွေပါ။                 ရေငုပ်ရမယ်တဲ့၊ ဒါဟာဆောင်ပုဒ်။ ဆောင်ပုဒ်က တိုတောင်းတိကျပေမယ့် သူ့ရဲ့ လက်တွေ့ကျင့်စဉ်က ခက်ခဲကျယ်ဝန်းလှတယ်။ အင်မတန်အေးတဲ့ ဆောင်းရာသီရဲ့ ညဥ့်သန်းခေါင်မှာ အင်မတန်အေးတဲ့ ရေကန်တွင်းကို ဆင်းရတယ်။ အရိုးကွဲမတတ် အေးစက်နေတဲ့ရေထဲမှာ တစ်ကိုယ်လုံးကို ငုပ်ဆင်းနစ်မြှုပ်ရတယ်။ သွေးခဲပြီးအသက်ရှူလို့ မရတော့လောက်အောင် ပင်ပန်းဆင်းရဲနေတဲ့အချိန်မှာ မနောအာရုံက အဲ့ဒီရေနဲ့ ရေထဲက မိမိခန္ဓာကိုယ်ကို အခြားနေရာဆီပို့လွှတ်ထားရတယ်။ ရေရဲ့ အအေးဒဏ်ကို မေ့ပျောက်ပစ်ရမယ်။ အအေးဓာတ်ကို လျစ်လျူရှုပစ်ရမယ်။                   မီးလှုံရမယ်တဲ့ ဒါလဲ ဆောင်ပုဒ်ပဲ။ ပူပြင်းတဲ့ မီးတောက်မီးလျှံတွေကြားထဲမှာ ဖြတ်သန်းရတယ်။ မီးရဲ့အပူကို ခန္ဓာကိုယ်က ထိတွေ့နေပေမဲ့ မနောအာရုံက ဒီမီးအပူကို လျစ်လျူရှုနိုင်အောင် ကြိုးစားရမယ်။                  တုံးခုန်ရမယ်တဲ့ အကြိမ်ကြိမ်အထောင် အသောင်း၊ မနားတမ်းတရစပ် တစ်ဆက်တည်း သစ်တုံးကြီးတွေကို ခုန်ကျော်ရတယ်။ ခန္ဓာကိုယ်ကို  အနားမပေးရဘူး။ ချွေးသီးချွေးပေါက်တွေက မိုးရေလို တဖြိုင်ဖြိုင်ကျနေတယ်။ မောဟိုက်လွန်းတဲ့အတွက် အသည်းနှလုံးဟာ ခံတွင်းကနေ ခုန်ထွက်လွင့်စဉ် သွားတော့မလားထင်ရတယ်။ အဲ့ဒီလောက် မောဟိုက်နေတဲ့ကြားထဲက နေပြီး မနောအာရုံဟာ လန်းဆန်းနေအောင် ကျင့်ကြံရတယ်။                     ဇယ်ခုတ်ရမယ်တဲ့ ရွေးစေ့ပေါင်းများစွာကို အစုအပုံလိုက်ထား၊ တစ်စေ့ချင်းတစ်စေ့ချင်းယူပြီး နေရာရွေ့ပြီးပုံ၊ မူလအပုံမှာ ရွေးစေ့ အားလုံးကုန်သွားသည်အထိ အရေအတွက်ကို အတိအကျမှတ်သား။ အပုံသစ်ကနေ တစ်ခါနောက်တစ်ပုံ အသစ်ထပ်ပြီး တစ်စေ့ချင်းရေတွက်ပြီးထပ်ပုံ။ ရရှိလာတဲ့ အရေအတွက်ဟာ မူလအတိုင်း ထပ်တူမညီရင်တော့ ကြီးလေးတဲ့အပြစ်ဒဏ်ခံရတယ်။ ဒီကျင့်စဉ်ဟာ ရွေးစေ့ကို နေရာရွှေ့ပြီး ရေတွက်စုပုံတာဆိုပြီး ပေါ့ပေါ့တန်တန် လုပ်လို့ဖြင့် မရပေဘူး။ ထောင်သောင်းချီတဲ့ ရွေ့စေ့တွေ တစ်စေ့ချင်းအပေါ်မှာ အာရုံကို စူးစိုက်ပြီး ရေတွက်နေရတာဟာ ကြာလေပင်ပန်းလေ၊  အာရုံတင်းကျပ် ကိုက်ခဲလေလေ ကျင့်စဉ်ပဲ။                     စတဲ့... စတဲ့... ဒီလိုကျင့်စဉ်တွေရဲ့ အချုပ်ကတော့ ခန္ဓာကိုယ်ကို များများနှိပ်စက်ပေးလေလေ ၀ိညာဉ်ဟာ  ဖြုစင်လာလေလေ ဆိုတဲ့အချက်ပဲ အရည်းဆရာတို့ရဲ့ကျင့်စဉ်တိုင်းဟာ ၀ိညာဉ်ဖြုစင် မွန်မြတ်ရေးကို ဦးတည်တယ်။ ဒီနေရာမှာ ယုတ်ညံ့တဲ့ စိတ်အာရုံတို့ကို မညှာမတာ ထိန်းချုပ်မောင်းနှင်းတဲ့ နည်းလမ်းမျိုးစုံ အသုံးချရတယ်။ ဒီလိုထူးဆန်းနက်နဲတဲ့ ကျင့်စဉ်တွေ အပြင် ဆေးဝါးအတတ်၊ အင်းအိုင်လက်ဖွဲ့၊ ဂါထာမန္တန်အတတ်တွေကိုလဲ မနေမနား ဆည်းပူးကြရတယ်။                      မထီးကျောင်းတော်ကြီးဟာ အနီးအနားဒေသတစ်ဝိုက်မှာသာမက အရိမန္ဒနပူရ တစ်ဝန်းလုံးအထိ ဂုဏ်သတင်းမွှေးကြိုင်ခဲ့တယ်။ ပြည်သူပြည်သားတို့ရဲ့ အကျိုးကိုလည်း ဆောင်ရွက်ပေးကြတယ်။ ဆေးဝါးကုသပေးတယ်။ မကောင်းဆိုးဝါးတွေ မကပ်နိုင်အောင် ဂါထာ မန္တန်အစီအရင်လုပ်ပေးတယ်။ ဆုတောင်းပူဇော်ပွဲတွေ၊ ယဇ်ပွဲတွေကျင်းပပေးတယ်။ လူငယ်လူရွယ်တွေကို လက်ရုံးရည် ထက်မြက်အောင် လေ့ကျင့်သင်ကြားပေးတယ်။                           သြဇာတိက္ကမ တဖြည်းဖြည်းကြီးမားလာတဲ့ အများလူထုရဲ့ ယုံကြည်ကိုးစားမှုကို တစ်စတစ်စရရှိခဲ့ယူလာခဲ့တဲ့ သမထီးကျောင်းတော်ကြီးမှာ.... “ပန်းဦးလွတ်ပွဲ”ဆိုတဲ့ ဓလေ့တစ်ခု ၀င်ရောက်လာခဲ့တဲ့ အချိန်မှစပြီး သမထီးကျောင်းတော်ကြီးရဲ့ မွှေးကြိုင်လာတဲ့ ဂုဏ်သတင်းထဲမှာ အပုပ်နံ့တစ်ခုထောင်းခနဲ ရောစွက်လာတော့တာပဲ....။